影片
更多
2018-06-10
89 浏览
辛劳工作完，当然要同友人食好西慰劳自己，而铜锣湾有间新开无耐既日式料理餐厅，而且系由厨师发办，特意一试！用膳完毕之后，完全感受到整个用膳流程都经厨师精心设计，以下特意推介部分一试难忘既菜式：八爪鱼刺身分别食八爪鱼的同吸盘位置，师傅处理紧既仲识郁，十分新鲜。师傅话由于肌肉神经未死晒，再用力挞块薄切的刺身，会令到刺身既口感更爽口。另外，八爪鱼吸盘用水焯过再冷冻，口感与别不同。真鲷刺身分别食鱼背及鱼腩，即使系鱼背位置，鱼质都嫩滑，即使平常不太爱好鱼肉的我，亦推荐大家一试！北海道牡丹虾三食 没有想像可以以三种食法去食一只虾！虾身的肉做刺身，味道鲜甜，口感厚实；虾头的膏压烂后经灼烧，做成一块口感烟韧的虾饼；香炸虾头的壳，配以少许岩盐，入口香脆可口。除左虾眼、砂囊无食到之外，几乎全只虾都用既做成食材！物尽其用！爱鱼女寿司 鱼肉先利用蒿草烟熏，入口有浓烈的而且独特的烟熏味道。依佐木寿司鱼肉油分较高，而且用左熟成8日既方式处理，听师傅讲熟成的过程，可以把鱼内的纤维分解成氨基酸，提升鱼的味道。北海道带子寿司师傅顺返带子既纤维纹理去处理，所以食落口同平时既口感好唔一样，会食到带子既一丝一丝既纹理。熊本车海
八爪鱼刺身
分别食八爪鱼的同吸盘位置，师傅处理紧既仲识郁，十分新鲜。师傅话由于肌肉神经未死晒，再用力挞块薄切的刺身，会令到刺身既口感更爽口。另外，八爪鱼吸盘用水焯过再冷冻，口感与别不同。
真鲷刺身
分别食鱼背及鱼腩，即使系鱼背位置，鱼质都嫩滑，即使平常不太爱好鱼肉的我，亦推荐大家一试！
北海道牡丹虾三食
没有想像可以以三种食法去食一只虾！虾身的肉做刺身，味道鲜甜，口感厚实；虾头的膏压烂后经灼烧，做成一块口感烟韧的虾饼；香炸虾头的壳，配以少许岩盐，入口香脆可口。除左虾眼、砂囊无食到之外，几乎全只虾都用既做成食材！物尽其用！
爱鱼女寿司
鱼肉先利用蒿草烟熏，入口有浓烈的而且独特的烟熏味道。
依佐木寿司
鱼肉油分较高，而且用左熟成8日既方式处理，听师傅讲熟成的过程，可以把鱼内的纤维分解成氨基酸，提升鱼的味道。
北海道带子寿司
师傅顺返带子既纤维纹理去处理，所以食落口同平时既口感好唔一样，会食到带子既一丝一丝既纹理。
熊本车海老寿司
师傅先将进口黎既虾切脚，然后烘干磨成粉，虾脚粉味道香浓，最后放返系虾身上令到味道更添层次！亦见师傅的心思！
日本大蚬寿司
蚬既size不再话下，由于原先系蚬入面既蚬汁会留起整呢个寿司，入口先试到甜甜地既鳗鱼汁，然后蚬味慢慢渗透出来，同其他以豉油同芥末衬托既寿司唔一样。
鸡颈肉配柚子酱
鸡颈肉唔会有过多既油脂，烹调方法好简单咁烧香，再配少少盐同黑椒就已经好好味，而配埋柚子酱感觉好清新。
宫城县东松岛生蚝
肥美既生蚝十分新鲜，用筷子督佢嘅时候裙边识得收缩！creamy既生蚝配以酸汁啫喱、辣萝卜、葱，味道的层次十分丰富！
烧左口鱼边寿司
由于鱼身经火烧后，只可用四只字形容：入口即溶！油脂香气系口腔完全充斥著。
活赤贝寿司
做法同之前既八爪鱼寿司有点类近，由于赤贝肌肉神经未死晒，再用力挞块赤贝，会令到刺身既口感更爽口，建议上碟后要立即享用，以感受其最佳状态！
。
松叶蟹脚寿司
一件十分花工夫的寿司，先将蟹身的肉拆散，然后再起蟹脚既肉，最后再淋上用昆布熬成蟹汤才大功告成，寿司充满蟹既鲜甜味！
立鱼浓汤
鱼汤浓而不腥，原因系师傅先炒制6-7kg既鱼头骨熬制而成，先再拎去熬汤。而咁多既鱼头骨要储成半个月先储到，所以师傅佢地并唔系成日有机会去熬呢个汤！呢个浓汤真系可遇不可求！
张贴
