鋿晶館

营业中

休息中

今晚嚟到上环嘅鋿晶馆，鋿晶馆一向出名系即场手作点心，但我哋今次试咗小菜，水准真系一流！一入去就见到成个鱼缸，啲海鲜睇落非常新鲜。首先，点咗双拼烧腩仔同叉烧。叉烧分分钟系我近期最好食嘅，半肥瘦嘅比例啱啱好，肉质腍滑，配埋甜甜地嘅蜜饯，入口即化。烧腩仔更加系出色，脆皮卜卜声，肉同脂肪完美融合，再加上少少芥辣酱，味道层次即刻提升。之后叫咗金沙大虾球，呢道菜绝对值得一试！大虾球外面均匀包住咸蛋黄，炸得啱啱好，唔会过咸又带淡淡金沙香，虾肉弹牙，咬落去非常爽口。北菇扒豆苗亦都系另一道经典菜式。北菇厚实，炆得好腍，豆苗嫩滑无渣，好鲜甜，非常清新。最后试咗京都焗肉扒。酸酸甜甜嘅京都骨开胃之余，肉排亦都煎得刚刚好，配搭菠萝更加突出佢嘅酸甜味。鋿晶馆嘅出品咁有水准，原来系因为师傅喺日本东京富丽华同多间米芝莲餐厅有丰富经验，难怪每道菜都咁出色！