牛魔一人燒肉

营业中

休息中

最近好多一人烧肉店，间间价钱都好平，不过朋友介绍呢间话系最平最抵食，咁就一于嚟试吓啦。估唔到呢度最平嘅set只系$50都唔使，而且已经跟埋汤沙律同埋饭，真系好抵食。我就叫咗个牛魔王套餐，我认为佢嘅牛舌最出色，虽然唔系好厚身，但系好有牛味，而且食落唔会硬，感觉食材好新鲜。除咗饭之外，佢仲可以拣乌冬，古古古古乌冬咁好食。虽然份量比较少，咁就可以食多啲肉啦，但系佢嘅汤底感觉系用鱼汤熬出嚟，比专食乌冬嘅店更加好食。而且好多烧肉店都未拎酒牌，所以成日冇酒饮，不过呢间就可以拣好多唔同款嘅啤酒，食烧肉梗系要饮啤酒啦，所以呢间真系一人烧肉店嘅冠军呀。呢间烧肉店因为太抵食，所以长期都好多人，如果想食既记住早啲嚟排队啦。