小小串 (已結業)

早两日经过食街试过呢度嘅串烧今日忍唔住要再嚟，上次食咗鸡软骨丶鸡肉丶墨鱼咀丶安格斯牛柳粒呢啲稳阵嘢，超级有水准，今次老板娘话佢哋有新产品，所以对佢嘅推介非常有信心！我叫咗蜜糖鸡翼，同埋一个自选套餐，我拣咗芝士玉子丶黄金麻吉烧同埋芝士虾球。烧鸡翼嘅时候，未送到我面前已经闻到超香嘅烧鸡翼味，蜜糖鸡翼烧得啱啱好另外自选套餐嘅三款食物之前我都系未食过嘅，玉子中间有芝士配合埋胀卜卜嘅麻吉烧同埋啲芝士会爆出黎嘅虾球，原来系咁夹嘅总括嚟讲，呢间小店连续两次都有惊喜，最重要系我今日夜晚九点几先嚟，当西贡食街九成铺头已经闩晒，佢哋仲开，真系不失为一个食宵夜嘅好地方