影片
更多
2024-02-06
42 浏览
呢间Omakase经常爆场，全场只有十个位亦只做Lunch同Dinner时段，冇翻枱呢回事！让师傅用最大既心机付出系眼前既客人身上，店内装饰高档大气，外面有个小小花园，感觉清新和舒适，全晚就系一个师傅负责哂成个Show，呢晚比我既感觉除系一餐饭，亦系一个表演，整整四小时，绝无冷场，食得满足，睇得赞叹，坐得舒服。今日亦系以新年节庆为主题，每道菜都有佢既寓意，师傅风趣幽默健谈 对食物认真，睇住佢见到有唔靓既唔新鲜既食材时自己会默默直接掟落垃圾桶，店员唔小心比错有虾既汤比客，即刻换走道歉再比新野前菜 系咸与甜既配塔，非常开胃包括甜既代表金薄黑豆同黄粟子都系清甜可口， 伊达卷 系由鸡蛋鱼肉组成，充满卷蛋feel同滑香 听师傅讲系当年伊达正宗打仗胜利后回归用黎庆祝既食物鲷鱼昆布渍 喜庆时见腌制乌鱼子生+萝卜 咸身，要夹埋萝卜一齐食红白蛋同芝海老都系颜色节日，又寿意绵绵伴碟既南天草则代表长寿 碗物鲣鱼清汤 代表事事顺利，身体健康清得黎味道浓厚，入口系有几个层次系入面，配合柚子既清香，海老十分实浄新鲜弹牙，入面仲有年糕鱼蛋同埋鸡肉呢两款剌身都正真鲷拥有大海既味道，食完果种鲜味留系口腔入面好耐，配上
前菜 系咸与甜既配塔，非常开胃
包括甜既代表金薄黑豆同黄粟子都系清甜可口，
伊达卷 系由鸡蛋鱼肉组成，充满卷蛋feel同滑香 听师傅讲系当年伊达正宗打仗胜利后回归用黎庆祝既食物
鲷鱼昆布渍 喜庆时见
腌制乌鱼子生+萝卜 咸身，要夹埋萝卜一齐食
红白蛋同芝海老都系颜色节日，又寿意绵绵
伴碟既南天草则代表长寿
碗物鲣鱼清汤 代表事事顺利，身体健康
清得黎味道浓厚，入口系有几个层次系入面，配合柚子既清香，海老十分实浄新鲜弹牙，入面仲有年糕鱼蛋同埋鸡肉
呢两款剌身都正
真鲷拥有大海既味道，食完果种鲜味留系口腔入面好耐，配上柠檬醋汁 轻轻一点
寒师既鱼腩位位厚身肥美，油香感好足，有啲似油甘鱼，好想食多几件
白海老三种食法
1白海老剌身好似雪蛤膏既口感，好爽口同实在，果种鲜甜令我将佢摆系第一位
2至于油炸全只白虾仔则香身脆口，钟意饮酒既朋友必定送酒一流
3白海老炸虾饼配合京都青椒，虾饼虽然油炸，但系冇果种有口气既热气感，食得出系新鲜即炸既感觉
八爪鱼既鱼片，新鲜味浓郁，而吸盘则爽口，捞埋紫苏株同Washabi渍，一个字．正，呢个washabi酱油渍，佢自己磨出黎，我系乐意忘返既
三文鱼子萝卜蓉，用左超级弹牙鱼子，完全冇腥味，淡淡既鱼味同湿润，碟碟都好开胃
烤白子 — 超级健康既白子，用锡纸兜载住火烤保留到白子既新鲜，但又有烤焗既煄香味，入口顺滑，咬落去就系爆开既奶油效果，但又唔会一pat野咁，年度推介食物
其实呢个只系配菜，但因为太好味，都要打埋出黎，腌既姜唔会太辣但保留到姜既爽辣；青瓜好有清新口感，食完一味咬呢个加啖茶可以真正试到下一味味道；最后萝卜酸香清甜，又系一个清口味既好选择
寿司 饭暖暖唔黐
赤矢柄油份唔重，但系好有鱼味
金木鲷既味道有啲似三文鱼，筋肉同脂肪岩岩好
樱岛特产间八肉感实在，咬落去会变左一细旧一细旧咁分开，非常滑身
关鲭鱼成块入口，比间八更滑，我就唔小心一野入左喉咙，小心啲留系口腔叹下唔系真心直接走入肚
帆立贝昆布渍-衬寿司饭既配搭非常好，成粒贝唔会散或断，浓厚既鲜味沙甸鱼-油腻感令你满口鱼味，界乎腥同唔腥之间，值得一推再推，不过师傅话好虾人食，有啲人会唔钟意食佢果浸味
赤贝-见师傅用刀功鎅啲花出黎，靓同时又爽口嫩滑
吞拿鱼拖罗-脂肪花纹好靓又薄腻，浸鱼味系会并停留在口里面历久不散
大吞拿鱼腩可谓入口即刻融化开，同头先果个又唔同口感，师傅用啲盐提升佢既味道吞拿鱼中心部位(皮下肉)由师傅即场腌制，等几分钟先包，半肥瘦既肉配合酱油，嗯，我投降了
马粪海胆手卷比成排北海道海胆车落旧饭到，再用紫菜包住，入口海胆量多到涌出黎，最紧要既鲜度亦冇失望，好味！
面豉汤
传统汤底，食到尾，个汤冇其他咁记忆深
红豆糕+士多啤梨佢系大菜糕既味道同口感，师傅话呢个糕由海澡制成，清香甜美，甜点唔会死甜，系满足哂既结尾
张贴
