炎鳥羽

营业中

休息中

今日同fd 忽然间想食串烧，又喺尖沙咀揾到呢一间居酒屋，一上到黎座位都好舒适，都几满座！嚟呢度居酒屋当然要点返两杯酒试吓！我就点咗杯菠萝烧酌，呢杯菠萝梳打沟得几好饮，好易入口，饮落都有啲酒香，另外我朋点咗呢杯巨锋烧酌就甜口少少，但饮落都唔会好重酒精味，几好饮！我哋都点咗啲刺身嚟试，个北寄贝同八八鱼刺身好爽口，食得出都好新鲜，而个三文鱼刺身就好肥身，食落口即溶，啲油脂食入口到真系好正！ 天妇罗我哋咗呢个紫菜鱿鱼须天妇罗，佢炸得好干身，一啲都唔觉油，估唔到啲紫菜可以同鱿鱼须咁夹！我哋另外都点咗啲串烧，个烧鸡翼烧得好入味，肉质一啲都唔鞋，食落好多汁。个明太子鸡翼都好足料，少少辣，外皮烧到好香，食落一流。另外最正我觉得就系个西京烧，啲鱼肉好嫩，简直食唔停口，而个烧牛舌真系够晒厚切，但成件牛舌都仲系好嫩，烧得都好入味～而个牛柳就腌得好入味，食得出啲牛肉质地好新鲜，整体嚟讲佢啲串烧水准绝对系above average!最尾叫咗份黑豚肉炒乌冬嚟填饱个肚，呢个份量都唔少，绝对够两个食，乌冬炒到好有镬气，啲酱汁味道都好够！