船渦

营业中

休息中

今晚食咗呢个蒸海鲜火锅套餐，真系好值得推介。餐厅喺铜锣湾中心地带，交通好方便，一上到去就已经见到满满嘅海鲜拼盘，全场都爆满，要book位先可以去食。我同朋友梗系好早之前已经book定位我叫咗个九品芝麻餐，因为一个女仔都食唔到咁多嘢，朋友就叫咗一个内务总管套餐，就会比较多海鲜同埋好似有多半只蟹。一想到海鲜冰船，已经好吸引，个感觉超正，好似去咗高级日本餐厅咁样～啲海鲜可以摆入个炉度蒸咗先，就可以食到海鲜最鲜甜嘅味道～蒸完啲海鲜之后，职员就会帮你到汤落去个锅度，而之前下面啲水份已经完全吸收晒蒸海鲜嘅鲜汁。除咗海鲜，打边炉嘅配料，仲有丸同埋菜等等，仲有一个面，所以完全唔使惊唔够饱食完最后职员仲派咗个甜品俾我哋，我拣咗最钟意食嘅香芋味～好圆满嘅一日，整体觉得好抵食，同埋性价比好高，一定会再带屋企人同朋友嚟食！