湘川滬 (+WOO嘉湖二期)

营业中

休息中

一直以来都好钟意食中菜，特别系同屋企人或者长辈。不过香港真系唔系好多中菜餐厅出色，朋友介绍呢间餐厅话好食得来性价比又高，所以今日就黎试吓啦。呢度既网修有啲似餐厅，又有啲似酒楼，呢度所有侍应的服务态度都非常好，好有礼貌。我哋叫咗一个湘菜必食既酸菜鱼，一上枱估唔到咁大兜。佢嘅酸菜味好香，食落唔会好辣，酸味就啱啱好。最值得赞嘅系佢嘅鱼，唔系好似平时其他餐厅煮到林晒𠮶种，而系有啲脆身，好似脆玉鲩咁，食落口感好好。呢个干锅辣炒大肠卖相一流，而且竟然成个锅上，下面仲有火烧住，咁就唔怕冻哂啦。佢嘅大肠洗得好干净，而且一啲都唔太肥，辣味啱啱好，够哂开胃。口水鸡都好值得一赞，因为佢嘅鸡肉好嫩滑。个辣汁都好香好惹味，送饭一流呀。呢间餐厅又平又抵食，唔怪得朋友咁落力介绍啦，下次朋友或者屋企人食饭，我都一定会介绍佢黎呢度呀。