炭火地雞 (已搬遷) 新店位置

今日又来到铜锣湾揾嘢食啦 登龙街嘅餐厅林立 有朋友同我讲永光中心楼上开咗一间几特别嘅日式串烧店 有好多唔同嘅鸡部位串烧可以试 上到去见餐厅都几有feel 睇睇个餐牌先 选择好多 我哋食完一round 不停encore 呢度嘅串烧质素真系好唔错 系用日本备长炭即叫即烧 👍🏾前菜我哋点左鸡肝多士 好甘香 杨物两款我哋都试咗 炸日本山芋好特别！特制嘅酱好正炸鸡全翼炸得啱啱好唔会太油 讲吓主角串烧~先讲讲啲鸡部位 鸡腿肉好弹牙 鸡皮烧到金黄色 肉质好鲜嫩多汁 我同朋友都几钟意食内脏所以决定试吓 鸡心味道好香 少少弹牙 要讲叼钻嘅都莫过于系鸡心血管 爽口弹牙 鸡肝好大块 配埋特制烧汁食 好味 另外我哋仲试咗烧白鳝 烧牛舌 烧和牛崩沙腩 猪腩肉 全部都好出色 一分钱一分货 食得出呢度用料上乘！ 日本生啤Sapporo 做特价买一送一送一！ 饮饱食醉的一个开心晚上☺️