嵐橋日本料理

营业中

休息中

放假梗系要食好野啦，知棉登径多嘢食，拣左岚桥试下。成三层楼，地下系食丼饭，二楼有吧台位，睇得到师傅整紧啲嘢食，有私人厨房feel.三楼系私人包间，成个环境都几舒适。餐前小食：柚子冰头渍$48 听店员介绍番原来系三文鱼头眼周围啲软骨，几得意，平时好少食到，个口感⺊⺊脆，好清爽弹牙，加埋柚子醋酸酸哋，好开胃。日本时令生蚝$84只 只生蚝系时间限定，menu度无。成只蚝拳头咁大，一口食埋，真系不得了，成口得个鲜字！一啲啲腥味都无，超满足！无得输。又嗌左一只牡丹虾刺身$74，两切油甘鱼腩刺身$78 啲鱼生质数好高，够新鲜。牡丹虾软软糯糯，好鲜甜。油甘鱼腩够肥，又厚又大，食落软绵绵。👍🏻个价钱食到咁新鲜啲鱼生都算抵食，值得一试。串烧都好好味~免治鸡肉棒$48 鸡肉棒超足料，食落有惊喜，啖啖都有鸡软骨，捞埋生鸡蛋黄，劲顺滑，正！