叁不館

营业中

休息中

今日试左天后呢间边炉店，全部食材都大大份好足料，而且款式多质素都高，下次一定约班friend encore🥳首先坐底会上两款开胃小食，云耳青瓜&花生，云耳青瓜系四川口味所以偏辣，花生就脆口无咩特别，都几开胃。之后拎左一大盘酱料比我地自己mix，店员推介沙嗲酱同埋葱头油，两款都系自家制，唔会好似出面个啲咁稀汤底拣左今晚卜卜蚬锅，可以话系我试过最正嘅卜卜蚬汤🫡蚬系食得出新鲜弹牙，而且份量唔单止多，每一只都系非常大粒，食完啲壳要足足两个碗先装得晒🫡至于配料，基本上每个category都点左几样试。海鲜方面有苏格兰蛏子、草虾 (半份)，蛏子同样都系大只，虽然可能渌得耐左但都keep到弹牙; 肉类有滑牛肉、醉鸡件(半只)、西班牙黑毛猪，个人最中意黑毛猪，未食已经睇到肉同脂肪嘅ratio好均匀，有少少肥膏又唔会太油腻😋滑牛肉食落几松几滑，醉鸡又系超多，都入味。其他配料就common啲，有鱼皮饺、山水豆腐、芝士狮子狗、油麦菜etc 全部正常发挥👍🏻另外点左一jar竹蔗茅根海底椰，味道清清甜甜，食完咁多重口味野饮几杯岩晒