炭家 (已結業)

依家同朋友去咗中环呢间日本餐厅食dinner。餐厅嘅环境唔算好大，但系好有日本居酒屋嘅感觉，可以睇住师傅烧嘢食。我地点左鳗鱼重蒲烧，呢条鳗鱼睇佢嘅色泽就可以feel到佢有几靓，佢既质感好结实，每一啖都有炭烧过既鳗鱼香，系食过最正既鳗鱼！除左烧鳗鱼之外，呢度既串烧都好高质，高度推介豚芦笋串，烧豚肉包住爽脆既芦笋，层次丰富。另外仲点左和牛串、烧鸡翼、秋葵、洋葱等。最后仲点咗鳗鱼厚烧王子，鸡蛋入面包住鳗鱼，又系另一种滋味。