日の苑西日式外賣專門店

营业中

休息中

最近放工经过佐敦，原来日之苑喺度有分店啊～啱晒钟意食寿司嘅我😋🍣除咗寿司手卷之外，仲有刺身饭，和食便当等价钱贴地，真心觉得几抵食，质素中上～钟意食三文鱼嘅我一定要叫三文鱼寿司🍣三文鱼厚切超肥美~鱼油丰富好新鲜大大件三文鱼好满足啊飞鱼籽军舰好大份每件军舰装住满满嘅飞鱼籽，真系多到倒泻啊🤣口感十足！炙烧系列有三文鱼、左口鱼、鳗鱼、熟虾、蟹柳左口鱼食过返寻味，鱼油超丰富，放入口即溶嘅感觉太幸福啦😋另外仲有便当🍱吉列猪扒即叫即炸，即使返到屋企食，外皮都系脆脆的仲可以拣两款配菜，唔使加钱嘅分别拣咗小丸子同芝士年糕年糕香浓芝士味，口感烟靭😌下次叫到会仲可以试埋其他添🤤