影片
更多
2023-03-07
2298 浏览
钟意食高级咁嘅日本居酒屋就一定要嚟呢间试吓，无论系装修，气氛，服务态度，同埋食物都相当有质素🤩特选拖罗盛 呢款刺身意思就系剩系得拖罗食，对于我呢个劲钟意食拖罗嘅人嚟讲真系十分之合心意，佢系由赤身，中拖罗之大拖罗咁样配搭俾你，口感一流，刺身亦都非常新鲜，真系钟意食吞拿鱼嘅朋友，极度推介净系嗌呢款刺身盛😍烧豆腐配黑松露酱豆腐烧到皮脆内嫩，再配埋黑松露酱，真系出奇地夹，一直都冇试过咁样配搭嚟食，估唔到别有一番风味，黑松露酱味道清香，但系入口浓郁炭烧鸡肉棒配温泉卵成条系鸡肉碎整成嘅串烧棒，本身已经有少少调味，再加上外面烧到好香脆，再配埋个温泉蛋入口，口感层次提升咗好多烧软骨鱼蛋串唔好以为佢只系平平无奇嘅鱼蛋，鱼蛋口感一流，非常弹牙，但系当中有夹住一啲软骨，非常爽口札幌味噌叉烧拉面大家真系唔好俾佢过普通名呃咗，原来真系好好味，叉烧又厚又大块，入口软林林，非常之香猪油味，味噌汤底浓郁，每一啖面入口都唔会淡，真系做得好出色，个人觉得呢个价钱性价比几高烧日本A4和牛西冷蛋黄饭呢个又系值得推介，嚟到嘅时候件和牛系全生嘅，店员会帮你用火枪烧熟佢，所以会问你想食几成熟，我哋就拣咗5成，烧完之后店员会将和牛包
特选拖罗盛
呢款刺身意思就系剩系得拖罗食，对于我呢个劲钟意食拖罗嘅人嚟讲真系十分之合心意，佢系由赤身，中拖罗之大拖罗咁样配搭俾你，口感一流，刺身亦都非常新鲜，真系钟意食吞拿鱼嘅朋友，极度推介净系嗌呢款刺身盛😍
烧豆腐配黑松露酱
豆腐烧到皮脆内嫩，再配埋黑松露酱，真系出奇地夹，一直都冇试过咁样配搭嚟食，估唔到别有一番风味，黑松露酱味道清香，但系入口浓郁
炭烧鸡肉棒配温泉卵
成条系鸡肉碎整成嘅串烧棒，本身已经有少少调味，再加上外面烧到好香脆，再配埋个温泉蛋入口，口感层次提升咗好多
烧软骨鱼蛋串
唔好以为佢只系平平无奇嘅鱼蛋，鱼蛋口感一流，非常弹牙，但系当中有夹住一啲软骨，非常爽口
札幌味噌叉烧拉面
大家真系唔好俾佢过普通名呃咗，原来真系好好味，叉烧又厚又大块，入口软林林，非常之香猪油味，味噌汤底浓郁，每一啖面入口都唔会淡，真系做得好出色，个人觉得呢个价钱性价比几高
烧日本A4和牛西冷蛋黄饭
呢个又系值得推介，嚟到嘅时候件和牛系全生嘅，店员会帮你用火枪烧熟佢，所以会问你想食几成熟，我哋就拣咗5成，烧完之后店员会将和牛包上去个饭度，当你一开嘅时候蛋黄就会流到成个饭都系，入口简直薛家燕上身劲正，呢个强烈推介，以后去呢度食野都会一定叫嚟食，劲出色，又特别
张贴
