Outdark (飛達商業中心)

营业中

休息中

网上好多人推介呢一间喺旺角嘅韩国餐厅，今日放工终于有机会嚟试，餐厅嘅环境比较暗，有情调，坐落都几舒服，俾人感觉几高级。最吸引我嘅目光系佢嘅Menu设计，除咗吸引嘅食物相，仲有啲公仔教你食法，非常吸睛！而且全部菜式都系韩国人煮料，menu上嘅食物都系自制㗎！佢哋最近做紧一个promotion，只要喺OpenRice度投票佢哋间餐厅，就可以免费请你食两粒cheese ball！我哋嗌咗一碟原味炸鸡、韩式炒牛肉同埋泡菜猪肉饭，炸鸡即叫即炸，热辣辣非常新鲜，继续非常嫩滑，而且超级Juicy，啖啖都爆汁，外脆内软，令人回味嘅韩式炸鸡，除咗炸鸡之外，仲有好多薯条薯格，超级抵食！韩式炒牛肉嘅份量都好大，牛肉都好软滑，有微微嘅蜜糖甜味，仲有好大份金菇做配菜，真系几好食！最后泡菜猪肉饭都同样出色，只蛋煎到系流心嘅，捞埋落啲饭到，好夹，猪肉都好入味，配埋爽口嘅泡菜，唔算辣，但系口感好丰富！最后我哋仲嗌咗一杯柚子梳打，有惊喜，佢加咗好多果肉，淡淡果肉再加埋梳打，成件事好fresh！整体嚟讲呢个价钱食到咁高质素嘅韩式餐厅，真系超级抵食，下次一定约埋朋友再嚟试过！#outdark