成都老碼頭火鍋 (已結業)

今日同老公去旺角行街见到老马头火锅个门面几靓，就胆粗粗入去试一试，估唔到有惊喜。老马头地方大同干净，有上下两层。我地唔洗等位就入得。果度既侍应招呼殷勤同热情，再望望个餐牌一啲都唔贵，而且仲有特色鹅肠点，新鲜鹅肠唔系度度有得叫，钟意食既朋友一定要试。打边炉最紧要个汤底，我地试左鸳鸯汤底-麻辣同猪骨。汤底足料，猪骨味香浓，唔系任食火锅果啲一滴鲜，麻辣汤底香浓有层次唔会得一味死辣。菜到啦！牛肉我地拣左筷子牛肉同埋雪花肥牛。雪花牛唔系劣质嘅冰鲜牛，唔多肥膏而且肉味香浓。筷子牛肉系牛柳丝，肉味香浓入口即溶。韭菜饺足料之余仲皮薄薄馅靓。丸类全部都系新鲜手打丸，新鲜弹牙。最即得叫既系炸响铃，新鲜即叫即炸。总括嚟讲，老马头火锅用料新鲜物超所值，价钱相宜，依家仲做优惠，真系超抵！