味道樂居酒屋 (元州街) (已結業)

长沙湾e区都不乏一啲好好味嘅餐厅，今次就嚟咗味道乐居酒屋。呢间居酒屋，如果你唔book枱嘅话，好难walk in有位，所以吸引到我哋慕名而来。居酒屋内部唔算好大只系容纳咗几张四人枱同埋二人枱，难怪要book位先食到，装潢怀旧日式为主，墙身挂满好多日本酒。呢度食物菜色种类丰富，上至寿喜烧，下至丼饭,刺身,串烧等日式名物应有尽有。而我哋就畀呢个细细哋嘅迷你火炙左口鱼边丼饭吸引住。左口鱼边火炙之后香气满溢，而且入口即溶。淡淡左口鱼边嘅油脂融入口中，再加埋甜甜地嘅日本糙米饭，简直就系人间美味，果然冇令我失望。流心芝士鱼饼，系非常邪恶之选。鱼饼之上加咗一层厚厚嘅芝士，烧过之后味道非常之夹，鱼肉口感弹牙，入口阵阵鳕鱼香。蟹膏带子火炙寿司，大大只嘅带子绝冇欺场，而且蟹膏份量亦多。入口鲜味浓郁充满蟹香，带子肉质软淋，回味无穷。金菇肥牛卷，份量大。用铁板呢上锁住肉汁同埋热度，黑椒汁非常惹味，咬落去好多肉汁，金菇亦非常爽脆，口感一流，系略嫌有啲油，可以接受。烧白鳝系我哋食串烧嘅至爱，因为白鳝味道浓沃又没有骨，鱼皮烧到好香口香脆，而鱼肉口感嫩滑，酱汁亦没有抢过白鳝嘅鲜味。烟肉樱花虾煎广岛蚝，系非常惹味嘅一道