醉鮮 (已結業)

昨晚经过荃湾三坡坊，发现一间新开张嘅食店，地方非常寛敞，发现佢哋仲有两层添！约埋一班朋友搞生日，聚会派对，系一个完全嘅好地方，上层重可以间一间有屏风嘅独立枱出嚟，老板真系有谂头！食物方面非常新鲜，有我最钟意食嘅红瓜子鱼（系每日喺屯门三圣村攞货返嚟），海虾（超级鲜甜），姜葱炒蟹同埋盐焗蟹（呢个一定要食），仲有脆皮猪手（系我咁大个食过最好嘅一间），新鲜鲍鱼（上菜时热辣辣非常之香），仲有佢哋嘅葱油鸡（真系估唔到佢哋嘅鸡点解会做到咁滑？）佢哋嘅椒盐赖尿虾非常惹味，呢个真系必食推介！总括来讲，喺荃湾都好难揾到一间咁好食嘅食店！最紧要嘅系唔会好似出面𠮶啲咁样限定你食一两个钟），呢度嘅人情味非常丰厚，值得再嚟嘅一间好餐厅👍👍👍