影片
更多
2023-09-03
241 浏览
海之恋嘅食肆真系多如繁星，菜式种类多，价钱都算合理。今次前后嚟咗两次先写食评，希望可以中肯啲。店内装修简约，走法国街头小酒馆风格，气氛好放松好Chill，宁静嘅环境同嘈杂嘅外面成好大对比。午餐时段有lunch set，all day breakfast，brunch。我哋叫咗个牛小排，马赛龙虾海鲜锅。牛小排属于lunch set，配是日餐汤（洋葱汤）＋餐包。牛扒拣咗半熟，肉味香浓，口感湿润，配大堆薯条，其实都几饱吓。马赛海鲜锅（另加龙虾 ＋$80）海鲜锅有煎鱼、海虾、青口、蚬、小八爪鱼、配两片面包。海鲜overcooked 咗，缩晒水，好老，龙虾唔太新鲜有腥味。再次嚟系一个礼拜后嘅晚餐，今次点咗佢嘅招牌二人套餐。前菜有温泉蛋露笋沙律/南瓜汤（任选2）温泉蛋露笋沙律蔬菜新鲜，口感清爽。南瓜汤好浓郁，好creamy。头盘 - 主厨拼盘拼盘有烟三文鱼、意大利火腿、烧茄子、炸黑松露蘑菇球 、芝士薯蓉、鳕鱼酱、杂菜沙律。样样都好食，绝对推介。香煎三文鱼三文鱼煎得香脆，主要用盐调味，味道单纯完全冇腥味，本身唔多食鱼嘅我都忍唔住食咗一半。马赛龙虾海鲜锅今次啲海鲜好新鲜，烹调时间刚好，海鲜呈现最佳状态
店内装修简约，走法国街头小酒馆风格，气氛好放松好Chill，宁静嘅环境同嘈杂嘅外面成好大对比。
午餐时段有lunch set，all day breakfast，brunch。我哋叫咗个牛小排，马赛龙虾海鲜锅。
牛小排属于lunch set，配是日餐汤（洋葱汤）＋餐包。牛扒拣咗半熟，肉味香浓，口感湿润，配大堆薯条，其实都几饱吓。
马赛海鲜锅（另加龙虾 ＋$80）海鲜锅有煎鱼、海虾、青口、蚬、小八爪鱼、配两片面包。海鲜overcooked 咗，缩晒水，好老，龙虾唔太新鲜有腥味。
再次嚟系一个礼拜后嘅晚餐，今次点咗佢嘅招牌二人套餐。
前菜有温泉蛋露笋沙律/南瓜汤（任选2）
温泉蛋露笋沙律蔬菜新鲜，口感清爽。
南瓜汤好浓郁，好creamy。
头盘 - 主厨拼盘拼盘有烟三文鱼、意大利火腿、烧茄子、炸黑松露蘑菇球 、芝士薯蓉、鳕鱼酱、杂菜沙律。样样都好食，绝对推介。
香煎三文鱼三文鱼煎得香脆，主要用盐调味，味道单纯完全冇腥味，本身唔多食鱼嘅我都忍唔住食咗一半。
马赛龙虾海鲜锅今次啲海鲜好新鲜，烹调时间刚好，海鲜呈现最佳状态，龙虾亦爽口弹牙，完美！
甜品 - 火焰橙酒可丽饼，云呢拿雪糕 强烈推介！橙酒即时响你旁边加热点火，淋上可丽饼上面，呈现一个蓝色火圈。哗！哗！哗！靓到哗哗声。卖相满分，味道亦佳，淡淡嘅橙酒配甜味雪糕，再中和偏酸嘅橙，唔好太甜太酸，一切都啱啱好。
真系估唔到嚟食法式料理都可以好饱！虽然两次嘅水准有差异，但我都想同朋友再嚟。
张贴
