越一越南牛肉粉專門店 (已結業)

今日嚟到粉岭中心试呢一间越南小店- 越一越南牛肉粉专门店门面都几干净企理，灯光又够光猛，个装修都几靓好适合影相🥰 佢仲播紧啲越南歌添😆店员推介我哋试佢自家制嘅薏米水，另外我哋叫咗大虾菠萝炒饭，炒马拉盏椰菜苗，烧牛肉米纸卷，同埋椰汁三色冰先讲下个薏米水有啲冻同热拣，入边有姜同埋有好多好多嘅薏米，饮落去几清新，好健康👍🏻 个椰汁三色冰我觉得唔错，好浓嘅椰子汁，入边有啲椰子肉，唔会太甜💓跟住嚟嘅系炒马拉盏椰菜苗，个椰菜苗唔会好生又唔会好硬，不过钟意清淡嘅朋友可能唔啱呢味菜，因为味道都几浓跟住嚟嘅系烧牛肉米纸卷，入边包住花生、菜、青瓜丝、红萝卜丝、九层塔、牛肉，大家食之前记得点一点鱼露，如果唔系就无乜味😊最后嚟嘅系大虾菠萝炒饭，佢系原个菠萝上个卖相唔错，两只大虾系面，炒饭里面有啲樱花虾仔，大虾都新鲜唔系雪藏货😉