意粉屋 (已結業)

好少写食评，但系今次真系顶佢唔顺，Boxing day 来东涌，阳光很好，好耐冇来呢度食饭，谂住缅怀下，点知食到一肚气。首先呢度嘅侍应同经理，全部都黑口黑脸，讲嘢粗声粗气，成间餐厅气氛都好紧张咁，叫咗一个墨鱼汁饭，一个Pizza , 个墨鱼汁饭上桌，啲饭系一嚿嚿，好似刚系雪柜攞出黎咁，依家我哋系咪食紧饭团？忍唔住同个经理讲唔要，于是再叫一个鸡肉阔条面，𠮶位阿姐仲话一定要等半个钟，问我哋要唔要，我哋话要，就继续食Pizza。点知等左大半个钟，一直冇见过阔条面，期间有几次侍应过嚟加水，都整跌嘢，攞刀叉又成把刀飞落嚟，再问返个经理，个阔条面点解咁耐，点知佢话原来佢唔记得落单！实在顶唔顺，埋单走人，埋单时签信用卡，又成支笔划落我只手度。冇服务冇食物质素，一定唔会再帮衬。