意粉屋 (已結業)

來到東涌有時間打算食個TEA, 諗住坐得舒服啲於是去咗Spaghetti House. 點了一個pizza的tea set. 點知Pizza一來到已經令我唔開胃, 因為pizza係直接放在一塊木鉆板上, 而塊木鉆板已經花晒又發黑, 個頭挨近少少仲聞到有陣 up 味. 如果佢中間墊咗牛油紙遮一遮, 我睇唔到的話感覺都唔會咁差. 但而家咁O既情況的確令人覺得好唔衞生.  其實 Spaghetti House 咁大集團, 餐具有問題係咪應該要定期換吓呢? 

因為一蚊搭港鐵，所以去左東涌行下，原來food court 裝修緊，所以揀左食spaghetti house, 叫左酥皮周打海皇湯，芝士肉醬薯條同埋意粉，下午茶，三樣野兩個人夠晒食。上菜時間快，但上菜次序有d怪😂😂😂先上薯條，之後意粉，最後系湯。薯條份量好似少左d，但意粉份量俾我相像中大碗，忌廉汁好正! 值得一讚既系碗湯，好足料，又夠味。確錢合理，兩個人$240。

好少寫食評，但係今次真係頂佢唔順，Boxing day 來東涌，陽光很好，好耐冇來呢度食飯，諗住緬懷下，點知食到一肚氣。首先呢度嘅侍應同經理，全部都黑口黑臉，講嘢粗聲粗氣，成間餐廳氣氛都好緊張咁，叫咗一個墨魚汁飯，一個Pizza , 個墨魚汁飯上桌，啲飯係一嚿嚿，好似剛係雪櫃攞出黎咁，依家我哋係咪食緊飯團？忍唔住同個經理講唔要，於是再叫一個雞肉闊條麵，嗰位阿姐仲話一定要等半個鐘，問我哋要唔要，我哋話要，就繼續食Pizza。點知等左大半個鐘，一直冇見過闊條麵，期間有幾次侍應過嚟加水，都整跌嘢，攞刀叉又成把刀飛落嚟，再問返個經理，個闊條麵點解咁耐，點知佢話原來佢唔記得落單！實在頂唔順，埋單走人，埋單時簽信用卡，又成支筆劃落我隻手度。冇服務冇食物質素，一定唔會再幫襯。

好耐冇喺度寫食評但今次忍唔住要寫, 因為呢度愈黎愈差曾幾何時, 我都好鐘意黎食東涌呢間意粉屋奈何佢間唔中就加價, 但份量就愈黎愈少今次叫左一個pizza, 一個龍蝦汁墨魚飯, 一個白汁海鮮意粉同埋一個牛油果三文魚飯除左白汁海鮮意粉份量叫做正常, pizza size小, 龍蝦汁墨魚飯好細碟....而最離譜就係果個牛油果三文魚飯!! 大大隻碟但份量係隻碟既一半而已!!佢一上黎我覺得碟野好似俾人食左一半咁!!唉, 唔記得影相, 因為果時睇到個樣已經係相都廢事影雖然以上食物味道係OK既, 不過全部份量同價錢都嚴重不乎過百蚊得半碟飯, 咪_玩啦!! 唔怪得冇乜人黎食, 價就識加, 但份量就CUT!!仲要等勁耐先上菜!! 基本上4個人食完第一碟等多陣佢先黎第二碟我地4個自問都唔係食得多既人, 但4個人叫4樣野都可以唔太夠飽!!所以, 以後再黎呢間食, 太坤水, 太慢。

星期六去完迪迪尼後到東涌食飯，點知個大食代執左，唯有黎呢度醫肚叫左2客意粉我 ：雜菇意粉唔辣架嘛？要俾小朋友食答：可能有少少辣 （指住圖片中的紅色燈籠椒）我 ：......... 咁你幫我走哂辣，胡椒粉都唔好落，另加一個冬蔭公意粉10分鐘後另一個問：頭先個冬蔭公意粉係咪要走辣我：唔使啦，正常得啦 （我真係未食過走辣既冬蔭公，唔知咩味呢）又再等15分鐘 終於黎左.....一碟睇相時都無呢d蕃茄乾，食落有d 苦苦地，好彩阿囡太肚餓，都肯食。明明見到都好多油，但d 天使麵點解咁嚡口既～我個囡都食飽，我碟冬蔭公先到頭先個盤賣相已經唔係好,呢碟直頭無😓😓咁樣色既冬蔭公，真係想像以外，咁白的，以為佢上錯添。太肚餓，唔理啦，照食辣少少，但咸多多～食到中段已經咸到頂唔順～呢樣都算，點解個汁咁張口，好像一pat 糊咁，食到成個口滑潺潺⋯成碟野唯一可取既只有呢幾隻蝦，都仲叫爽口d~近年真係好耐無食過意粉屋，估唔到水準跌左咁多，真係10級失望成百蚊一個意粉，大把cafe 做的好過佢多多聲～當晚已近打烊，無乜客，但呢個咁既意粉都等成半個鐘有多，如果爆場，佢咪冧檔？

Staff are very friendly.Used to really love and miss their pork chop angel hair breakfast, now both the pork chop and the angel hair are so degraded, what a pity

服務同態度超差，特別係有個叫jacky既，完全無服務可言😑好差，同成個餐廳好無系統，入面既人做野好散，好似唔知自己要做咩咁。。。入去試下你就知我講咩。。。。。

去完梅窩出東涌，見到門口有寫信用卡9折就諗住食呢個(其實入到黎發現晚市先用得)行入去問先發現要等位，行返出去唔係問題，但個waitress真係少少串。都係睇唔到je, 又唔係有心。好彩佢d食物都算唔錯。推介呢個三文魚沙律！最喜歡有蘋果既沙律！仲要咁好味既真係唔係咁易遇到。蘋果好爽好fresh，三文魚都好soft。相較之下個巴馬ham pizza少少失色，但其實都已經好好味。其實我覺得午市黎講都唔算好多人，但服務員都唔係好勤加水。下次有機會試下另外既分店，自然就知道以後還要不要去。

一個人的午餐,今日要去一去銀行整d野。所以就一個人去食個lunch,都一段時間無食意粉屋啦。叫左個肉醬千層麵lunch set,先黎個龍蝦湯。熱辣辣而且香濃既龍蝦湯,一D腥味都無仲好足料,真係有龍蝦肉..下次加埋酥皮先,一定更加正。芝士菠菜黎先,都好..慢慢食住等^^香濃既芝士配忌廉汁,入口覺得好creamy  有d菠菜有一絲絲既芝士,真係好好味,誠意推介 肉醬千層麵都好多芝士,d肉醬鋪滿個千層麵。酸酸既茄汁配芝士同肉醬,好開胃*我一個人食左一大半個麵,真係好飽..

放工經過東薈城食飯做到死死下，唔想搵餐廳啦，入左意粉屋。叫左肉醬千層麵。份量就咁睇覺得細左d，但個麵既造功係有d質素既，肉醬幾好味，千層麵有口感，唔會太咸，有番茄既甜味，我覺得幾好味啦，不過價錢都係偏貴！

怎麼了, 意粉屋也寫嗎?一開始寫下一篇篇的食記, 重點不在「評」而是在「記」, 也和朋友分享開法。那, 寫寫意粉屋, 也不過份吧。約了友人去大東山看芒草去, 出發點就約在東涌。東涌雖然有一個大大的特賣商場, 人流旺, 特色食肆卻不多。或許是因為這一區很年青, 新市鎮腳下的土地都是填海而來, 看不見那些舊式、地痞的小型茶餐廳, 有的是一家家連鎖店。不能否認那整潔光亮的社區感是頗有其好處, 但對我來說, 總覺得是少了點活力, 缺了點故事。沒有故事, 就顯得乏味了。言歸正傳, 行山之前當然要把肚子填飽。在沒有選擇之下來到意粉屋, 室內竟然也已爆場, 要坐室外。意粉屋門外就是東涌站和廣場, 人流很旺, 悠閒地享用早餐之餘可以打量行人, 其實也不錯的。蕃茄長通粉 + 炒蛋 + 牛扒 HK$48+10%雖然名字掛的是意粉屋, 但早餐的內容和平日的茶餐廳差不遠。蛋火腿煙內之中擇一, 牛扒豬扒雞扒隨便挑一樣, 配個長通粉或是出前一丁, 就是一餐了。分別就在於器皿漂亮一點, 食物精緻一點, 但價錢也貴很多。當然也不會難吃, 沒性格就是了。蛋炒得比較老, 牛扒也有點硬, 蕃茄長通粉卻是很好吃的。芝士奄列餐

晚上因為夜收工，就自己到了「意粉屋」吃晚飯，勉強都總算是意大利菜吧？！思前想後，最後還是穩穩陣陣，「芝士焗豬扒飯」HK$98味道焦香，豬肉亦軟淋，這天算不算叫做意大利日？

行完大東山，落返東涌覓食，不熟環境，所以去了非常保險的意粉屋(由於覺得貴，這連鎖店我也有段時間無幫襯啦) 2人點了一個set，有湯有2個main dish有2杯drinks好簡單的一頓晚餐，海鮮忌廉湯，稀了點這個肉醬也挺okay的!這個飯就略油! 但味道也不錯. 

因為去機場看SHOW, 之前約了朋友看電影, 於是來醫一下餓的肚子!! 天氣凍又下雨, 所以很想吃熱的東西, 每次經過都想入來吃但人總是很多, 適逢今次無咩人所以就衝入去了!! 坐著很和暖, 而且冬天的關係有很多熱食的新產品!!!PAMAHAM PIZZA~~~叫了一個熱食, 再叫一個PIZZA, 上桌都幾熱, 巴馬火腿再配芝士及火箭菜, 加上濃濃的蕃茄醬, 簡單得來很合適, 餅皮不太厚還有點香脆的感覺, 不錯~~~熱鍋海鮮意大利飯~~~比我想像中飯無正式的那麼濕(小妹唔太鍾意勁濕的...), 成鍋上桌, 很熱烘烘及香暖的感覺, 一邊是混合了少少南瓜醬料的軟飯, 另一邊是成鍋忌廉汁的海鮮鍋, 看著也想吃!!! 汁及料也很多, 忌廉汁很少會失手, 十分濃的味道, 而海鮮也能吸收很多汁, 尤其魚塊, 超軟淋好味!! 還有其他材料, 蝦-蠻大及彈牙, 青口-新鮮, 魷魚-彈牙得來不太韌, 冬天來吃這個真的很好, 十分喜歡!! 其實熱鍋系列仲有幾款, 有機會也可以試埋其他的, 吃完出去真心很和暖!!!

黎到東涌…食市選擇唔蛋多…見有coupon就黎spaghetti house一試…兩個人order左個cheese pot…都應該好足夠…草莓鮮果夢幻賓治……無咩味鮮榨甘筍青蘋果汁……相信係街邊買既似鮮榨多d.....頭盤1係西班牙風乾火腿+煙三文魚…居然無蜜瓜伴火腿食…配搭有點欠逢…頭盤2…美國燒牛肉……無咩特別主菜係白cheese…同promote相既黃cheese有出入…白cheese完全感覺唔到有cheese味……仲有要係唔夠熱>>失望原則上配菜質素不太差就可以…因為主要係沾cheese食…cheese才是最重要…食埋包包……好飽啦總結～意粉屋出名只係pizza & pasta.....新菜式有待改善