越北牛肉粉專門店

营业中

休息中

呢间铺名打正旗号叫「越北」，如无意外应该系以越北菜作招徕。一入去格局都算企理，待应哥哥安排我地坐左最埋边个四人位，坐得几舒服，当时大约十二点半，由于时间倘早人流不算太多。我点左香茅牛肉饭，因为怕河粉会唔够饱；同事就点左个紥肉汤河。野食速度算快，个饭充满越菜特色，用生菜铺底，牛肉用香茅炒干，又香又惹味，令人口水直流，香茅牛肉用来下饭简直一流。白饭上有些少香茅等香料，无咁单调，仲有几片特式虾片，整体感觉合格有余。而同事的紥肉汤河功夫亦见紥实，河粉够幼身，好似越南少女把头发咁柔软。呢间越北仲有好多野食等住我地去开发，下次一定要拉大队再黎过！