河內越式料理 (西洋菜南街)

营业中

休息中

平时都几钟意食越南野，行完金鱼街见到附近依间餐厅都几多人帮衬，入左去试下啦。 越式牛柳粒红饭牛柳粒炒得几香，咬落易入口唔韧，几香牛味，仲有好多嘅洋葱红青椒。红饭加入左蕃茄煮成，望落好红下，食落都酸酸地好有蕃茄味。顺化蕃茄蟹肉扎肉汤汤檬汤底望落系好深嘅茄红色，饮落唔算好酸，但几香浓惹味，另外可自行加入辣椒同桔仔。另外仲有丝丝嘅蟹肉扎肉同豆卜，同埋见到啲蕃茄蓉。檬粉几挂汤，索哂香浓嘅汤。跟餐叫左两款小食。越式炸虾饼虾弹牙，炸得几香脆。越式猪颈肉几有口感，烧到焦香。特饮跟餐都几抵饮，叫左鲜芒果西米露，大大杯又有新鲜嘅芒果，就好似10蚊就加多碗糖水咁。另外叫左热情果梳打加益力多，加埋一齐几开胃，都可以一试。