香河越南餐廳 (已結業)

星期五晚上想食得冇咁油腻，越南野系不错既选择。估唔到都唔洗等位就有得入 店员安排我地坐楼上，值得一赞系两个人都比坐四人台，可以有多的地方摆𩠌菜同个人物品 一落单好快好快就有野食！生牛肉汤河走洋葱。将块生牛肉浸两浸热汤就变半熟牛肉份量唔算多。先饮一啖汤，真系好鲜甜附有红辣椒同青柠可以自己加，我几中意青柠既清新酸味。河粉几滑，薄切牛肉都软稔。加埋咁甜既汤好好味 扎肉粉卷就麻麻地。扎肉薄切，本身唔够香。粉卷包左的木耳丝系入面几爽口。但图片都见到本身个粉卷都穿穿地，兼具个底卷埋都几厚。加埋好似冇咩味咁 朋友问店员咩系滨海，佢讲完我地都唔系好知佢讲乜就即管试下佢。虾饼份量几多，热辣辣兼且香口弹牙唔错！滨海其实类似系的米粉整成一块皮咁，可以点鱼露配埋虾饼一齐食。滨海本身较干，我就觉得麻麻地。上面既炸蒜干葱几好食我觉得呢到都系越南河最好食！而且茶都几好饮