Spring field (已結業)

环境4分：小餐厅比一般茶记格局舒服，对住门口有四组二人枱，对住个开放式面档厨房有五个吧位，对墙同对窗又有四个吧位，抽气都唔错，可以畀四分。卫生5分：Ｄ木枱木櫈好干净好整齐，完全唔立，每个位都有个号码，有张教食越南粉嘅插图，可以畀五分。服务 5分：楼面颗记同后生老板好热心推介，又够快手快脚，又好好礼貌，够效率，态度好，畀佢满分。味道5分：碗大满足全配料牛肉河一上枱，已经闻到牛肉汤底嘅香味，卖相都非常之好睇，有多片半生熟牛肉，又有去骨连皮鸭丝，啲皮都好香口，同埋两粒牛丸，食落应该系自家手打果种，咬落去好爽，跟住发现碗底有两粒萝卜，萝卜非常入味。个主角Ｄ河粉就非常之滑，一Ｄ都唔嚡口。跟足指示食到一半，加左Ｄ辣嘅芽菜仔，非常特别，芽菜仔都食左两小碟。抵食5分：一百蚊唔使就食到碗咁正宗嘅越南河，连埋啲咁靓嘅牛肉，真系超级抵，满分！