越大哥 (中興新街)

营业中

休息中

同朋友去长洲玩，去长洲当然唔少得扫街，当中竟然俾我哋发现到一间专食越南菜嘅小餐厅，餐牌食物非常吸引，忍唔住要入去食返餐。我哋叫咗四款轻食，上到枱每样都非常吸引，果然冇叫错！🤩🥳法包🥖越式猪扒法包，超钟意食越式法包，即叫即制，材料又丰富。成个越式猪扒法包味道非常香，每一啖咬落去都食到法包，猪扒和蔬菜。一边食，材料一直喺法包度走出嚟，真系又正又过瘾。串烧🍖即叫即烧香茅串烧，热辣辣，又香又多汁，分别有牛肉和鸡肉。两款都非常好味，牛肉味道浓郁，烧到焦香，配上浓烈嘅香茅，食落去更加滋味。鸡肉味道比较清淡，食得好香嘅香茅美。而且串烧大大串，好味又抵食！沙律🥙越大哥牛柳沙律配蒜蓉包，非常清新嘅牛柳沙律，配上蒜蓉包，入边仲有多种蔬菜和酸甜酱汁，整体非常丰富。热辣辣嘅食佢，清新又开胃。