錦麗 (大埔超級城C區)

营业中

休息中

喺全日禁堂食嘅最后一日，就同阿爸去食个越南牛肉粉。我哋赶得切食佢个下午茶餐，一个生牛肉少粉，一个生熟牛肉少粉。个餐就跟一个咸青柠梳打。因为佢系下午茶餐个份量好少,如果你系肚饿嘅话唔会够食,所以我哋就追加佢嘅越南春卷同蔗虾一份。春卷够脆好食，唔咸，扎实有料。碗牛肉粉嘅味道都几好，牛肉无论系熟牛肉啦生牛肉啦个肉汁同埋个汤嘅浓度都做得好，不过要留意嘅就因为佢下午茶餐用个细碗装佢会少，你落完啲芽菜呀辣椒落个碗粉度，啲汤嘅热度就畀啲配料吸晒，所以就冇佢平时大大碗正价用个大碗上𠮶啲一份咁好食，最后其实系冻住食乜水都吸晒。我就觉得佢杯跟餐嘅咸柠七梳打唔好饮好喊，所以建议就再加十蚊要多咗杯三色椰汁冰入面有红豆绿豆同班兰糕片。ok好饮嘅都几似红豆冰，好足料，美中不足嘅系佢啲豆就好硬，如果佢多番D椰汁咁就会好似返一杯饮品，唔会啖啖都系豆成杯嘢就会好饮好多。要喺大埔食到一个越南餐下午茶有两碗粉两杯饮品同埋有小食$120蚊埋单其实都算中规中矩。如果真系想食佢嘅越南粉都系建议嗌佢整假大玩𠮶啲住食个饭会食得好味啲