早安越南 (已結業)

今日放工都好晏，两个人想食啲冇咁heavy 嘅嘢。食越南野又可以叫个粉，又可以叫啲小食。特选细拼盘，简直系一碟满足几个愿望，有春卷、粉包、香茅鸡翼。春卷香口，粉包多馅，鸡翼入味。呢个系牛肉冻檬，檬粉好弹牙，牛肉又入味，加埋啲酸汁真系开胃。呢个系海鲜沙嗲粉丝煲。原先以为系呢个煲嘅汁系滐嘅，但系嚟到就见到个汁系好似汤咁，同预期有啲唔同，仲等我哋叫咗蒜蓉包谂住点汁添。啲海鲜有海鲜味但系一啲沙嗲味都冇。个煲啲粉丝系黑粉丝，有啲似薯粉个样，但系冇薯粉咁弹牙。最后蒜蓉包，有4件。个包反宜好好食，个包好软熟，又有浓郁嘅蒜味，斋食都好好味。