金滿都越南餐廳 (已結業)

黄大仙呢边好多各式各样嘅餐厅，只不过今次我好想食越南野， 所以带咗屋企人嚟呢边。黄大仙中心嘅成日都食，因为屋企人住新蒲岗所以黎呢个位都几方便，今次去呢间老字号餐厅，金满都越南餐厅去试吓佢嘅越南野系咪真系咁好味， 见佢哋开分店开得越来越多，几年前都食过佢哋嘅越南粉，唔知水准仲系咪一样呢。生牛肉汤河，呢样食越南嘢食入边一定唔少得，每次我都会叫。牛肉汤超好味而且好浓郁，睇得出用咗唔少心机去煲出嚟，所以好鲜甜而且有牛嘅味道。生牛肉汤河上面嘅牛肉我最喜欢，鲜嫩而且份量唔少，而且牛味好够配埋佢嘅汤，简直想识多几碗。另外佢哋咖喱牛腩我都觉得系好出色嘅其中之一，牛腩炆得好琳味道亦都唔会好咸， 食完要饮好多水，通常会喺茶餐厅入叫呢度错但系次次都觉得味精好重。但系呢度分量足够资源味道又唔会话好咸，整个感觉又健康又好味。羊架亦都唔会好似苏，用咗少少香茅调味但系非常香浓，而且仲热辣辣，即叫即整。我哋另外仲叫多咗虾饼，虾肉啖啖肉，而且弹牙。外皮亦都唔会太油腻，最紧要虾肉会有虾嘅鲜味，唔会全部入边都系粉，落足功夫啊。饮埋佢嘅越南啤酒，简直系男人嘅浪漫。