影片
更多
2021-03-22
129 浏览
尖沙咀一向都有好多美食，今次就同朋友去试咗一间越南餐厅。🍢香茅串烧拼盘呢个串烧拼盘有虾、猪同埋鸡。虾几弹牙，炸得香脆，我连个壳都食埋！本身串烧拼盘里面嘅猪肉应该系牛肉嚟，但老板娘话可以试吓猪肉，所以我哋就试咗猪。食之前以为味道会同普通嘅肠仔差唔多，但食落发现原来味道唔同，口感都唔同。猪肉串腌得好香，但又唔似平时𠮶啲肠仔咁咸！鸡肉串最出色，除咗同猪肉串一样腌得香之外，口感外脆内嫩，而且好juicy！🍜生牛肉河粉讲起越南菜就一定会谂起生牛肉河粉，所以我哋就嗌咗一碗嚟食。呢碗河粉汤底清甜，搞到我好想饮晒佢！生牛肉都好好味，唔需要调味已经好正。唧埋柠檬加埋辣椒仲好味！🍜越式春卷汤檬粉第一次食汤檬粉，估唔到几好食！佢嘅质地有少少似系幼身嘅河粉，口感唔错。春卷炸得好脆，而且好足料，里面有红萝卜、木耳、肉等等，好香好好味。🍸青柠梳打呢杯嘢饮好slim😂呢杯青柠梳打唔会好甜，而且真系好「梳打」，饮完好爽！🍹珍多冰朋友嗌左一杯珍多冰，我饮咗几啖，觉得几特别同几好饮！呢杯嘢饮有好香椰奶味，杯底有绿豆，唔会太甜，good!!!
尖沙咀一向都有好多美食，今次就同朋友去试咗一间越南餐厅。
🍢香茅串烧拼盘
呢个串烧拼盘有虾、猪同埋鸡。虾几弹牙，炸得香脆，我连个壳都食埋！本身串烧拼盘里面嘅猪肉应该系牛肉嚟，但老板娘话可以试吓猪肉，所以我哋就试咗猪。食之前以为味道会同普通嘅肠仔差唔多，但食落发现原来味道唔同，口感都唔同。猪肉串腌得好香，但又唔似平时𠮶啲肠仔咁咸！鸡肉串最出色，除咗同猪肉串一样腌得香之外，口感外脆内嫩，而且好juicy！
🍜生牛肉河粉
讲起越南菜就一定会谂起生牛肉河粉，所以我哋就嗌咗一碗嚟食。呢碗河粉汤底清甜，搞到我好想饮晒佢！生牛肉都好好味，唔需要调味已经好正。唧埋柠檬加埋辣椒仲好味！
🍜越式春卷汤檬粉
第一次食汤檬粉，估唔到几好食！佢嘅质地有少少似系幼身嘅河粉，口感唔错。春卷炸得好脆，而且好足料，里面有红萝卜、木耳、肉等等，好香好好味。
🍸青柠梳打
呢杯嘢饮好slim😂呢杯青柠梳打唔会好甜，而且真系好「梳打」，饮完好爽！
🍹珍多冰
朋友嗌左一杯珍多冰，我饮咗几啖，觉得几特别同几好饮！呢杯嘢饮有好香椰奶味，杯底有绿豆，唔会太甜，good!!!
张贴
