Fûhn (The L. Square) (已結業)

铜锣湾好多嘢食，今次试咗一间越南菜，都几好味，尤其系汤粉个汤，好鲜。香茅鸡扒汤粉，$78鸡扒大大份，分开上，所以保持香脆，香茅味唔太重，可以加啲辣酱食更好味。重点系汤，好鲜好鲜，河粉好滑，一啖接一啖，食到停唔到口。安格斯牛肉捞檬粉加太阳蛋，$88牛肉味都重嘅，不过冇乜落调味料，所以我加咗啲甜辣酱，檬粉已经加入鱼露，捞匀就可以直接食，味道同平时食嘅有啲唔同，冇咁酸，不过都好味嘅。软壳蟹米纸卷，$88钟意呢度嘅米纸，唔系透明𠮶款，比出面食到嘅烟韧，口感好好，不过呢度系点千岛酱，唔系平时嘅鱼露，几特别。咸蛋黄鸡翼，$68朋友最钟意食鸡翼，任何嘢加入咸蛋黄去炸都好味，不过真系好邪恶。另外值得一提系佢嘅椰子冰，唔会好甜但系充满椰奶味，夏天饮真系一流。