早安越南 (已結業)

呢排喺社交平台见到好多朋友去左越南旅行，继续要翻工既我唯有留喺香港食住越南菜止下瘾先啦。嚟左黄埔既早安越南，见到装修都好新朝，出面呢架车仔仲有出售越式调味料同饮品。食物方面，二话不说点左个Pho，今次要左香茅猪颈肉河。由于同行朋友唔食芫茜葱，所以先全走，但个汤底清得黎都好够味，而且碗粉好大，一个人食哂都几饱肚。至于猪颈肉完全唔油腻，外层好香脆，份量好多，但都通通食得哂！朋友就要左海南鸡饭，呢度冇得一set咁叫，要单叫例牌海南鸡另外再加饭。先讲海南鸡，鸡肉好嫩滑，鸡皮好爽，完全唔油，加上三宝，黑豉油姜蓉同埋辣酱，正！至于另外叫嘅饭，可以要白饭或者荷叶蒸鸡油饭，食海南鸡当然要油饭啦，但老实讲呢度既油饭令我有少少失望， 份量好细唔太足够，而且唔够鸡油香味，下次都系普通白饭就得。最后我哋仲要左一碟马拉盏炒通菜，够晒镬气而且好多马拉盏，加埋炸蒜片，好香，值得一食。呢度上菜好快，而且服务态度都好好。而且食越南野有时好怕食完之后好口干，但系呢度冇，证明唔会太重调味/加左味精。