越蘆越南牛肉粉

营业中

休息中

平日最钟意食越南菜，今日就嚟到上环呢一间越芦越南牛肉粉开餐。虽然听落去铺头名好似平平无奇，估唔到内有干坤，除咗常见既越南粉之外，仲有越式嘅海鲜可以嗌。我最钟意一定系呢只河内香茅烧春鸡。鸡肉份量十足，啖啖肉，咬落去唔会干争争，有肉汁，香茅味浓郁。而我朋友就最钟意香茅盐焗烧鱼，与被一层厚厚嘅盐所包围，拨开盐层，就系鲜香既鱼肉。鱼肉口感嫩滑，有淡淡的咸味，盐既咸味系啱啱好，为条鱼带来更丰富嘅味道层次之余，又唔会盖过鱼原本嘅鲜味。最后我哋食咗海防烤原条鱿鱼，个酱汁几惹味！总结嚟讲，食物充满特色同浓厚越南风味，海鲜够新鲜。下次有机会去上环，都可以再食！