JK Kitchen (已結業)

今日FIF行完铜锣湾突然好想食越南野，就上左OPENRICE见到依间JK Kitchen，卖相都唔错咁，就上左去楼上铺试下啦。一行入去，布置得几有田园既感觉，坐得都几舒服。好，讲番野食先… 我同友人叫左一碗JK Kitchen汤河 (火车头)，一碟猪颈肉菠萝炒饭，仲叫左米纸卷，同一杯热姜蜜、一杯热柚子，仲有小惊喜老板娘送「蓝莓好冻」。JK Kitchen汤河都好大碗下，入面好多料，汤底都好鲜味。生牛肉好嫩滑、河粉亦都好有咬口。扎肉非常之香，唔错唔错!到猪颈肉菠萝炒饭，块猪颈肉真系不得了，系厚切架，好香口，食完仲有好浓既香味系口到徘回。米纸卷亦都好清新既感觉，夹住虾同猪颈肉，都值得一试架! 仲有蓝莓冻，个texture好有趣，蓝莓味亦好出，唔会太甜。好饱同满足!