Le Viet

营业中

休息中

Lunch time喺尖沙咀同同事食饭，想坐得舒服啲，所以去the one，最后拣咗 Le viet 食越南菜。lunch set总共有九款选择，有齐饭、汤粉、捞檬、红白肉。呢个系海鲜炒檬粉($68)，海鲜用料好足，唔会剪到啲鱿鱼细细粒，食落有口感，有啖啖海鲜嘅感觉。捞檬炒得几香，比较干身，调味主要系用咗黑椒同香葱，唔会话太浓。海鲜同埋檬粉嘅比例都好好，实在唔钟意一大碟粉然后冇𩠌嘅感觉，所以今次好满意。加$8可以转特饮，叫咗杯青柠梳打，贪佢清清哋唔甜但又有汽可以过瘾。原枝泰象梳打水，信心保证。梳打水睇落唔系好大，不过都够装两杯。女同事嚷著要甜品，咁就叫个精选甜品拼盘($108)share。一个dish有齐芒果糯米饭、焦糖布丁、越南绿豆拉椰糕。芒果糯米饭椰汁另上，可以个人化选择落几多椰汁，好细心安排。越南绿豆拉椰糕清清哋，烟烟靭靭，就咁用叉系拮唔开，要用刀切先得。Creme Brulee浓郁绵密，更加饱肚。