蔡瀾越南粉 (已結業)

听朋友讲呢度peak hour都要排下，所以就衬今日迟食lunch，黎呢到食下pho，去到人唔算多，而且铺头有两层都几大，所以都仲有几多位下。呢度主打pho，当然要食下啦，值得一赞嘅系配菜系任拣两款，可以完全满足我呢d贪心嘅人，而且价钱唔算贵，仲可以任添河粉，以蔡澜呢个名黎讲，真系唔算贵。生牛肉/牛筋肉越南河 ($68)首先讲下汤底，好浓好香，好有牛骨味。生牛肉都几淋几嫩，但唔够个牛筋肉出色，个牛筋好入味，一入口就溶咁，好软淋淋🤤香矛猪颈肉捞蒙 ($68)卖相好靓，味道唔差，个猪颈肉好松嫩有弹性👍🏻整体黎讲食物质素唔差，不过有一样野要弹嘅系杯水，佢唔系正常普通水，味道怪怪地。同埋下层环境好迫，条楼梯好窄但又多人行上行落，所以有d扣分。