Cafe Pho 1975 (已結業)

由港铁站一路行过去，经过扶手电梯上去大本型，都常常忽略一间餐厅。假日偶然经过，几个人咁啱想揾个地方Hea下，就入去tea 一 tea。入坐后发现，原来又系一间自助点餐既店铺。扫完QR code后进入点餐版面，点完后比埋钱就有个姐姐送餐，放就走。呢个模式越来越多餐厅去做，感觉就好似用紧啲外卖apps，分别就坐系餐厅，比起以前街坊茶餐厅，好似快捷干净，不过就冇咗以前嘅人情味。讲返食物，外观味道都唔错下午茶来讲价钱比较高少少，而且份量充足，尤其食粉面檬粉类，比较抵食，而我比较欣赏就系个雪糕吐司。佢吐司少少甜味，面包有焦糖香而且半软硬，雪糕就正常香味。而佢嘅薯条唔系一般薯仔做而系用番薯做，食落有甘香甜味，不过沙律就差啲，似伴碟，烧猪骨不过不失，有肉又有骨。餐厅内都有啲特色饮品，不过多数要加钱，所以我叫个最简单嘅冻奶茶。奶茶就唔系个皮，唔知佢主打果个越南咖啡系咪好饮啲呢。