麻布茶房 (已結業)

同同事去乐富食晏，见到唔使等位又好耐未食过就坐咗入去。餐厅唔多位，又有啲迫，只适合食个快饭。每个午餐都附送雪糕同餐茶。姜汁烧豚肉定食($69)前菜系几粒杂豆，无咩味道，失败。味噌汤连昆布都无块，失败 。啲饭比较干身，唔够软熟，失败。酱汁杰挞挞唔够姜汁味，失败。猪肉鞋口柴皮，失败。记得好耐之前食过呢间餐厅都算系好味，宜家，唉寿喜牛肉定食($88)除咗肥牛洋葱，仲有车厘茄，西兰花，茄子同几条格格不入嘅薯角。可能真系一分钱一分货，牛肉肉质比猪肉嘅好，味道亦相对正常。牛肉定食送冲绳烧紫番薯霜淇淋。有得拣酱: 宇治金时，红豆，黑芝麻或黑蜜黄豆粉。同事拣咗红豆。 红豆都算足料，雪糕够软滑，但紫薯无咩味。