影片
更多
2018-09-17
45 浏览
话说当日我同朋友book咗位食夜晚7点，但揾路都已经揾到迟到；我地跟住openrice个地址去揾相应既工业大厦，系观塘站出 沿住近消防局既行人路直行，见到一期但个闸锁咗，于是我地就等一阵，等到有人出黎。我地一入到闸已经觉得有啲怪，心谂点解咁冷清，行楼梯上到二楼就觉得格局有啲奇怪，见到餐厅牌名 硬住头皮入去之际，原来我地去咗后门入一入到去我地都一脸迷惘，随即就有个店员行近，带我地去正门睇番订座名单，佢地店员多 态度都好友善我同朋友一坐低，都一致评论 觉得呢到好多位，唔洗book位都得，但点知就越夜越多人，吃货货如果8点后食最好就book位喇我地嗌咗两个dinner set + salad bar，其实我本身就对salad冇咩兴趣，但因为朋友崇尚健康人生，最后都系加咗$38跟salad bar！佢既沙津Bar都系一啲大路野，罗马生菜、火箭菜、三色椒、切件蕃茄，亦包括一啲调味，例如沙律醋。而另一边则有冷盘，有螺肉、中华沙律、带子边等生冷食物。也有车厘茄及啫喱糖等伴碟小食，大部分都很够冻，因为都皆放在冰上冷冻著呢间餐厅食物选择多，有沙律、有饭、有意粉、有扒类，花多眼乱，最后就拣咗一个鱼同一个饭
我同朋友一坐低，都一致评论 觉得呢到好多位，唔洗book位都得，但点知就越夜越多人，吃货货如果8点后食最好就book位喇
我地嗌咗两个dinner set + salad bar，其实我本身就对salad冇咩兴趣，但因为朋友崇尚健康人生，最后都系加咗$38跟salad bar！
佢既沙津Bar都系一啲大路野，罗马生菜、火箭菜、三色椒、切件蕃茄，亦包括一啲调味，例如沙律醋。而另一边则有冷盘，有螺肉、中华沙律、带子边等生冷食物。也有车厘茄及啫喱糖等伴碟小食，大部分都很够冻，因为都皆放在冰上冷冻著
呢间餐厅食物选择多，有沙律、有饭、有意粉、有扒类，花多眼乱，最后就拣咗一个鱼同一个饭，谂住后加嘢食，但最后发现原来都够饱！
佢附有餐包同餐汤，而当日就有周打海鲜汤和杂菜汤两个选择，我同朋友都拣咗前者。先讲佢既餐包，餐包上枱唔会冻冰冰，而系暖的，加上外皮带点硬度，相信系有烘过先送上枱，我个人是十分满意的！而汤就好creamy，有好重既忌廉质感，十分足料，有大量的蚬，而蚬也很弹牙，并不老
香煎三文鱼柳配藜麦沙律
佢份量好似好少，但食落都几顶胃，因为话晒菜都系纤维，再先前仲食咗沙律吧，虽然系duplicate咗，但其实两种沙律都系有啲唔同既。呢个set既主要味道系来自水果，桃味重，整个有桃香的调味布满整个菜式，味道清新、新鲜，配合藜麦，感觉十分健康！至于主角，三文鱼柳，佢所用既烹调方式系香煎，而结果的确能够做到外脆内暖，肉质唔会粗糙，三文鱼的香味突出，无骨，十分方便食客
个人十分推介呢个香煎带子黑松露意大利饭首先佢既样貌已经好吸引，亦有香草作装饰，整个set好有美感；加上佢甫上枱，好重既黑松露香气已经涌入鼻腔，真系令人垂涎三尺再细味一啖risotto，粒粒分明，附上好香浓既黑松露香，充满整个口腔！佢既带子都好新鲜弹牙，令人食完想食。而佢最特别既莫过于珊瑚状既装饰，一开头都有怀疑可唔可以食，仔细看看原来佢系炸咗一层粉既金菇，呢个创意绝对能为卖相加加分！
而佢既饮品都并不逊色，我同朋友一杯冻饮一杯热饮。我饮既系蓝柑柠檬梳打，而朋友饮既系玫瑰咖啡虽然呢杯饮品系蓝色，内里亦有一粒柑子，但绝对唔系「蓝柑」呢个名既来源，根据店员解述，其实蓝柑系一种植物，我饮落去讲真就饮唔到味道既独特性，可能蓝柑既味都被柠檬盖过了，但讲真呢杯野真系好好味，唔太甜
朋友呢杯玫瑰咖啡我只系品尝咗一口，佢既玫瑰香一边在嗅觉上发挥作用，同时饮落口既咖啡味都好香口，果真咖啡如其名，一个成份都无少，建议唔落糖都okay
到最后，系正门走，原来佢正门好靓架，好有童话既感觉，门口亦贴咗好多明星的面孔，估唔到呢间餐厅原来都几出名
张贴
