越大哥 (中興新街) (已結業)

长洲呢间越大哥真系无黎错，系门口就被落地玻璃吸引住，坐得又舒服！越式无骨凤爪真系前菜首选，无骨凤爪都几大只，而且好入味，酸酸辣辣，一路食一路就觉得好开胃，凤爪好爽，脆脆地，口感好好，加埋少少菜就仲清新！串烧我地就叫晒香茅串烧鸡同香茅串烧牛，两款都好重香茅味，鸡肉其实系原只拆骨鸡翼，好大只，亦都好厚肉，完全系皮脆肉嫩，烧得好好，牛肉亦都唔会烧到干争争，仲有啲肉汁，牛肉都几腍，口感真系好好！主食叫佐咖喱牛腩饭，咖哩汁好香，唔会净系得辣味，有啲椰香，牛腩炆得好腍，好嫩，有啲筋位有啲咬口，薯仔都炆到好软绵绵，起沙咁，送饭真系一流！食完啲燥热野饮番杯桂圆茶就岩啦，好滋润，甜甜地，冰冰冻冻夏天饮就岩晒，柱园又清甜！