越大哥 (中興新街) (已結業)

长洲除佐有大鱼蛋，仲有越南菜，茶餐厅装修，但又坐得几舒服，几开扬。越式无骨凤爪做前菜就岩晒啦，酸酸辣辣，鸡脚好软，亦都几爽脆，又有啲红白萝卜丝，口感几好，食落好开胃，唔会太辣😊香茅串烧鸡小小地份量好适中，三串既串烧，其实都系鸡翼串埋做串烧，鸡皮烧到好脆，鸡肉好嫩，最重要系无骨，啖啖肉，好惹味😁另一个前菜越大哥牛柳沙律配蒜蓉包都好正，牛柳好嫩，有啲青木瓜丝，蕃茄仔，菜丝，蒜蓉包就焗得好脆，夹住啲沙律食就最正啦😗最后试埋招牌海鲜肉丸鲜茄蟹汤檬，汤底饮到香浓既海鲜鲜味，真系用海鲜煮出黎，配料亦有好大只鲜虾，好弹牙，肉丸系猪肉丸，肉质几软腍又几香，几有咬口，一碗两个share黎食都够，非常唔错呀😋