越北牛肉粉專門店 (已結業)

冇谂过五一红日咁多人。行街行到攰专诚嚟食越式下午茶。想食猪颈肉捞檬，但竟然一早就卖晒有啲失望🙍‍♂️👉🏼越北三宝捞檬捞檬份量唔算少有花生蒜片同埋生菜啊捞埋一齐食非常之爽口，鸡翼啱啱好熟中间仲保持到滑嘅肉质亦都好有香茅味,扎肉味道比较特别系喺街市冇见过，不过猪扒就比较多骨有啲逊色。👉🏼椰青好大个好够冻炎炎夏日来讲都算系消暑妙品👉🏼顺化汤檬粉钟意食辣嘅朋友可以叫呢个招牌汤檬粉，建议最好配冻饮因为真系几辣，汤配檬粉食起嚟都几惹味。建议大家嚟买外卖因为下午茶都比较多人等，如果可以多啲分店一定会经常去帮衬。