影片
更多
2015-10-04
218 浏览
自从个越南同事自带homemake嘅食物比同事分享后，就一直对越南嘢有无限向往，捞檬又好，米卷又好，真系令人回味！于是，今日决定食越南嘢。其实，以前都有帮衬，不过果时真系觉得中式嘢好过佢，而家，都会有d期望，可惜，希望越大，失望也越大！门面很有越南风格，menu设计也比足心机，是日，食下午茶餐，我地都想试下d特饮，始终，茶餐厅饮极都系冻奶茶咖啡鸳鸯柠茶，来得食越式，梗系入乡随俗㗎啦！首先，系我嘅猪扒捞檬卖相冇乜特别，不过个人就觉得如果猪扒可以另上，留返d空间比我捞捞个檬粉，就更好啦！迫不及待加鱼露，成个檬粉嘅灵魂，其实就系个鱼露汁到，个汁应该系酸甜适中，加上爽口嘅檬粉及配菜，如果有埋咸虾酱，会更加有越南嘅味道，不过可惜，当日嘅粉唔够干身，有被浸淋过头之错处，令人失望！讲返个猪扒，可能系成个粉唯一可取嘅地方，不过食唔出香茅味，似中式多过越式。朋友仔钟意食牛佢点咗个牛脷捞檬，更加惊人嘅系，个牛脷竟然系白水sa熟嘅！又骚又韧，难啃度十分有九分！友人见碗嘢冇乜好食，于是咬咗嚿叶，唔咬还好，咬完把起火，友人话d味道有d怪，唔知道系乜，系装饰定食得呢？于是问下个侍应，果位姐姐越叫越走，另一位过来问
自从个越南同事自带homemake嘅食物比同事分享后，就一直对越南嘢有无限向往，捞檬又好，米卷又好，真系令人回味！
于是，今日决定食越南嘢。
其实，以前都有帮衬，不过果时真系觉得中式嘢好过佢，而家，都会有d期望，可惜，希望越大，失望也越大！
门面很有越南风格，menu设计也比足心机，
是日，食下午茶餐，
我地都想试下d特饮，始终，茶餐厅饮极都系冻奶茶咖啡鸳鸯柠茶，来得食越式，梗系入乡随俗㗎啦！
首先，系我嘅猪扒捞檬
卖相冇乜特别，不过个人就觉得如果猪扒可以另上，留返d空间比我捞捞个檬粉，就更好啦！
迫不及待加鱼露，成个檬粉嘅灵魂，其实就系个鱼露汁到，个汁应该系酸甜适中，加上爽口嘅檬粉及配菜，如果有埋咸虾酱，会更加有越南嘅味道，不过可惜，当日嘅粉唔够干身，有被浸淋过头之错处，令人失望！
讲返个猪扒，可能系成个粉唯一可取嘅地方，不过食唔出香茅味，似中式多过越式。
朋友仔钟意食牛
佢点咗个牛脷捞檬，
更加惊人嘅系，个牛脷竟然系白水sa熟嘅！又骚又韧，难啃度十分有九分！
友人见碗嘢冇乜好食，于是咬咗嚿叶，
唔咬还好，咬完把起火，
友人话d味道有d怪，唔知道系乜，系装饰定食得呢？于是问下个侍应，果位姐姐越叫越走，另一位过来问咩事呀，好冇礼貌咁问，我地有少少吓亲，就细声问d叶系咩来，佢讲咗句薄荷叶咯就鸡咁脚走咗！
左边系我嘅冻生姜果纤蜜，生姜就唔系㗎啦，系一d腌制过嘅姜，至于果纤？唔知系乜，冇见到咯～
右边系朋友嘅椰汁红豆冰，我地都系第一次饮到d红豆可以咬到咯咯声嘅红豆冰，只能说佩服！
最后，我地都好后悔加咗小食
48蚊仲未有系街边小食档嘅水准！
d猪肉好韧，鸡肉好干，配嘅系沙茶酱！
总体来讲，可以算系一间黑店！
其实，越南餐应该系开胃嘅美食，而且健康多素为主，但呢间所谓嘅越式餐厅，实在不敢恭维，而且破坏晒越式食物系我心目中嘅水准！不可取！
张贴
