河內越式料理 (西洋菜南街)

营业中

休息中

旺角闹市揾嘢食真系好挑战我呢个人有选择困难症，今日心血来潮想食越南嘢。河内越式料理位于西洋菜南街，主打越南菜有好多款式选择，小食，米纸卷，粉，面，饭等等。顺化蕃茄蟹肉扎肉汤檬先讲汤底，味道十分之融合，蟹味嘅鲜，系新鲜蕃茄汤底下系十分夹，唔会有一边过份突出，所以饮落好鲜甜。配檬粉个人较为钟意，扎肉蟹肉份量都多，食落唔会净系食粉咁单调。越式炸虾饼跟餐加22蚊已经有咁大咁厚嘅虾饼真系极抵食，唔够饱的话一定要加点，食落香口不油腻，虾胶爽口弹牙重虾味。鱼露鸡扒蛋饭劲大块鸡扒咁上台，葱油鸡扒外多咗一阵鱼露嘅咸鲜，味道提升好多。加只煎蛋，加倍满足。上汤灼田园菜都系跟餐就可以叫，净食肉太腻，不妨叫个菜平衡一下。软壳蟹米纸卷份量有啲难以置信，每嚿卷都包到满晒材料又大件，软壳蟹够香脆，味道口感都够新鲜。越式香茅鸡翼经典香茅鸡翼够哂香口，香茅味恰到好处。