影片
更多
2020-01-13
350 浏览
前排无意中发现原来湾仔区嘅横街窄巷有唔少卧虎藏龙，今次就嚟到修顿球场隔离谭臣道嘅一间🇻🇳越南餐厅食晚饭。餐厅系小店格局，大约坐到廿几人，装修简约，有种小清新嘅感觉。我仲发现小店系由一家人经营的，婆婆帮手做楼面、阿仔做厨房？同孙仔负责玩😂，好温馨。另外，有唔少熟客嚟帮衬。依到嘅越菜唔止得Pho，种类及款式同平日唔太同，因为系主打北越菜，有好多款都比较少见。可能因为咁，小店定价唔算平，但有卖点嘛。餐厅嘅小食同海鲜望落非常吸引🤤！香草野菜烧牛柳沙律($88)🥗，烧牛柳好好食啊，有成5-6块，烧得非常香口，而且肉嫩又够厚，唔错唔错。沙律菜都新鲜，个汁应该系用上鱼露，酸酸甜甜，好开胃。海防手工墨鱼饼($108)🦑，我不嬲都钟意食Q弹嘅口感，所以一定唔会放过墨鱼饼。依到嘅墨鱼饼超级弹牙，而且食得出一定唔系买返嚟，系手造；我更加系第一次食墨鱼饼食到墨鱼！虽然唔平，差唔多成$30块，但真心推介，而且鱼饼旁嘅腌萝卜丝都好好食。椰汁喇沙叶煮活蚬($148)🐚，本身呢道菜系配海螺的，但我哋惊螺食得无咁方便，就即管问下有无得转蚬，点知又得㖞yeah✌🏻。一睇个卖相就睇得出系用上椰汁🥥，而且仲有椰肉，个汁比较厚
餐厅系小店格局，大约坐到廿几人，装修简约，有种小清新嘅感觉。我仲发现小店系由一家人经营的，婆婆帮手做楼面、阿仔做厨房？同孙仔负责玩😂，好温馨。另外，有唔少熟客嚟帮衬。
依到嘅越菜唔止得Pho，种类及款式同平日唔太同，因为系主打北越菜，有好多款都比较少见。可能因为咁，小店定价唔算平，但有卖点嘛。餐厅嘅小食同海鲜望落非常吸引🤤！
香草野菜烧牛柳沙律
$88
6 浏览
0 赞好
0 留言
香草野菜烧牛柳沙律($88)🥗，烧牛柳好好食啊，有成5-6块，烧得非常香口，而且肉嫩又够厚，唔错唔错。沙律菜都新鲜，个汁应该系用上鱼露，酸酸甜甜，好开胃。
海防手工墨鱼饼
$108
14 浏览
0 赞好
0 留言
海防手工墨鱼饼($108)🦑，我不嬲都钟意食Q弹嘅口感，所以一定唔会放过墨鱼饼。依到嘅墨鱼饼超级弹牙，而且食得出一定唔系买返嚟，系手造；我更加系第一次食墨鱼饼食到墨鱼！虽然唔平，差唔多成$30块，但真心推介，而且鱼饼旁嘅腌萝卜丝都好好食。
椰汁喇沙叶煮活蚬
$148
3 浏览
0 赞好
0 留言
椰汁喇沙叶煮活蚬($148)🐚，本身呢道菜系配海螺的，但我哋惊螺食得无咁方便，就即管问下有无得转蚬，点知又得㖞yeah✌🏻。一睇个卖相就睇得出系用上椰汁🥥，而且仲有椰肉，个汁比较厚身，甜甜哋得嚟又有好微好微好微嘅辣味，超正，即刻觉得要嚟碗白饭啰。蚬大约有12只，size唔大唔细，索哂啲汁😗。
油炸鬼
$32
5 浏览
0 赞好
0 留言
由于唔想浪费啲汁，所以叫咗份油炸鬼($32)食埋去，一滴都唔好嘥🙈。油炸鬼其实喺越南真系好普遍，食碗Pho都会搭配的，所以呢到有得卖，令我觉得佢好正宗👍。油炸鬼热辣辣炸起，外脆内软，唔系平日粥舖放到油哂实哂𠮶啲。
河内生熟牛肉汤河
$78
3 浏览
0 赞好
0 留言
河内生熟牛肉汤河($78)，Pho嘅份量都几多，两个人食都可以一人一个碗仔。🐮生牛肉系肥牛，熟牛肉就系牛腩片，两样都几好食。唯一差少少就系个汤，略嫌唔够清。其实碗pho都ok，系唔够另外𠮶几道菜出色。
总括嚟讲，依间越南私房菜馆都几唔错，菜式特别得嚟又好食，而且应该都几正宗(作为半个越南妹嘅我话嘅🤣)。店员好nice，会同我哋介绍啲菜式，又问我哋啱唔啱食，呢啲就系小店嘅特色。最后，就系店员话𠮶个椰汁会用嚟煮lunch time卖嘅猪扒饭，有机会真系要嚟试下。
张贴
