福禧食館 (已結業)

有次路过厚福街想找地方食个Quick Lunch﹐但行黎行去都无心水﹐原本谂住行返去大街食海南粉﹐点知经过巷仔就见到有一间门面似港式粉面铺﹐但标榜越式粉面饭及小食的食店﹐一于试下。环境颇挤逼且卫生一般﹐间唔中仲会有小昆虫飞过。不过入得呢类街坊小店食野﹐都预左会有呢种画面。各式粉面饭都系20 几蚊或以下﹐相当经济。款式就的而且确系越式﹐有虾饼有扎肉有香茅鸡翼猪扒等等﹐最特色就系有手撕鸡﹐不过原来太早去系无得食的﹐因为未撕好﹐真搞笑。各式双拼饭都只系24蚊﹐仲可以另外俾钱加咖喱或沙嗲汁﹐左配右搭﹐都算几多选择。要左一碗沙嗲牛汤檬($19)﹐一碟炸虾饼($24)一碟春卷($20)。沙嗲牛肉汤檬还可以﹐牛肉份量不少﹐亦算新鲜﹐檬粉质地软滑﹐但汤唔够香﹐幸好加埋沙嗲汁﹐算有返少少味道。春卷新鲜炸好﹐热辣香脆﹐配上甜酸鱼露﹐作小食一流。炸虾饼则比较多油﹐不过味道其实系唔错的。另外后来经过再食过一碟鸡翼猪扒饭加咖喱汁﹐鸡翼同猪扒都几惹味﹐咖喱则比较普通﹐但以快餐计都叫合格有余。如果抱著食正宗越南菜心态的话﹐恐怕会令你失望。但呢度就似系一间越式快餐店﹐你想快快趣趣经济地食一餐﹐又想有一点特色的话﹐福禧