越一越南牛肉粉專門店 (已結業)

今日要去荃湾做啲嘢，午市时段要揾食真系有啲难度，咁啱经过越一见到有好多枱客，心想都应该唔差卦，于是就走入去试试。首先装修企理光猛又坐得唔太逼，午餐食饭就最抵㗎啦…我叫左个香辣肉碎蛋饭，肉碎炒得好香，辣辣地，好惹味好开胃，但唔食得辣嘅朋友就唔好点啦。热薏米水甜甜地，里面有条冬瓜同足量薏米，所以钟意薏米嘅人可以试试，饮落去感觉几清热。食亲越南嘢我都忍唔住叫虾饼，虾饼口感烟韧，鲜味十足，有少少炸红葱头碎同葱一齐食味道会更加香。