鳴越越式料理

营业中

休息中

今日约左朋友去睇维尼与我，睇戏前食个午餐先，早两日食完锦丽个牛肉河认真唔错，心思思又想食越南野，见到有间新开嘅餐厅，就入去试试佢。个午餐餐牌都几丰富，有成22款选择，不过黎得食越南野，食牛肉河先是常识吧。我叫左个越式生牛肉河，黎到个牛肉都真系几生下，有d吓一吓。不过个汤就好够热，一浸落去，好快就熟晒。饮啖汤睇睇先，个汤又几浓㖞，牛骨味算重，都几真材实料。配料有金不换同青柠，芽菜反而无，就有d失望。 而个牛肉呢，就一般般，肉味唔太重，都切得几薄身，食落都算嫩滑，合格啦。另外叫左杯越式滴漏咖啡就几有惊喜，咖啡沟炼奶，虽然有dd甜，但几滑身，值得一试。总括来说，都算系唔错嘅越南餐厅，有机会会试下d饭。