錦麗 (信德中心)

营业中

休息中

来到信德中心已经晚上八点，我哋非常肚饿，呢个商场唔算好多吸引嘅餐厅，不过竟然畀我哋发现有一间新开嘅越南餐厅<锦丽>，见餐牌嘅嘢食都好吸引，便入去试下！～餐厅供应二人套餐都系$250，而且已经包括两个主食，一个小食拼盘，两杯饮品，价格非常亲民！～加$22就可以upgrade火车头金边粉，我哋都叫咗一个，火车头金边粉材料非常之多，有肉眼牛腩肉、牛筋、牛丸、扎肉，而且汤底非常清甜，仲有越式嘅香料同埋大量嘅芽菜，配埋金边粉，非常好食。另外叫咗胡志明综合越式金边粉，份量够晒多，同样美味。小食拼盘材料相当丰富，无论猪扒、蔗虾、越式春卷、牛油鸡翼，都做得非常出色，唔会好油腻。惠顾套餐，仲可以以优惠价加一份通菜，同埋牛油鸡槌，非常抵食。今晚呢餐饭好食又高质，而且餐厅嘅服务态度都非常之好，上菜快，唯一温馨提示就系呢度唔收现金，只收电子支付。